「美容就是保養, 只要底層肌膚養得好,淡妝素顏也得宜。」——Beauty Solution 香港旗艦店總經理 Stephanie Tsang

March 29, 2018

 

由美容學徒到旗艦店總經理

 

訪問當日,Stephanie穿著一身醒目的桃紅色裙,十指纖纖,感覺非常靈活巧秀。看她的皮膚那麼細緻光滑,沒有想到她從事美容行業已有17年經驗,是資深美容師,同時擔任Beauty Solution 美之源蜜糖線面專門店的香港旗艦店總經理。

 

Stephanie 的白滑肌膚并非天生麗質,求學時期也曾經受皮膚問題的困擾,她因此對美容行業躍躍欲試。 幸運地,她一畢業就遇到了「恩師」,亦是蜜糖線面的研發者。「恩師」不僅教她美容保養,亦傳授她中醫藥美容技術,更影響了她做美容的堅持:「美容是一門學問,不在於價錢多少,而在於有沒有用心了解需求,解決問題。

 

 

繼承精髓,突破傳統

 

Stephanie回憶起當年獨家蜜糖線面的出現。「以前,古法線面比較流行,因為輕輕線一線,除咗線走雜毛,仲可以促進血液循環,幫助排毒,好多客都會定期嚟線面。」但這項古法美容,未必人人適合,有些人皮膚容易過敏,會因線面而感到不適。Stephanie 對其中一位顧客印象最深刻,「以前有個客本身面毛比較多,而且皮膚好容易過敏,每次線完面都會過敏痛幾日。但為咗靚,佢都會依然Keep住嚟線面。後來我師傅唔忍心,自己去專研改良。結果比佢發現天然蜜糖加上美容精華粉,可以取代海棠粉,用嚟線面。」Stephanie 口中的改良版,就是今日的鎮店法寶「蜜糖線面。」

 

Stephanie表示,由於蜜糖質地比較黏,用於線面的難度比古法線面要高。雖然如此,但她們都堅持全部轉用蜜糖線面。「因為客啲feedback非常好,線完唔單止冇咁泛紅,而且好保濕滋潤,亦會令皮膚更白滑細緻。如果加啲中藥粉更有升級美容功效添。」經過多年的改良,現在所有線面蜜糖都會用Capsule獨立包裝,每次線面用一粒,保證新鮮。

 

                   線面蜜糖Capsule

 

Stephanie 幫客人做蜜糖線面

 

 

客人的美,就是對自己的肯定

 

因為「恩師」的堅持和用心,多年來一直影響著Stephanie要做一個成功的美容師。「要用心了解客人嘅需求,可以幫到佢哋,當下滿足感真係好大。」

 

被問到有沒有難忘的經歷時,Stephanie 難掩喜悅之情:「以前有一個客人,佢有比較嚴重的皮膚問題,甚至因此冇自信認識異性。佢有搵過出面唔同美容院,但都幫唔到佢。直至遇到我,我幫佢做左皮膚分析,發現佢係油脂分泌旺盛引致的嚴重暗瘡皮膚,揀左合適療程幫佢,結果皮膚問題改善左好多,佢好開心,而且一直跟住我到宜家。之前佢結婚都有請我去飲,宜家仲已經生埋小朋友,好幸福美滿!」提起客人的幸福,Stephanie一直眉開眼笑,彷如在談起自己的幸福一樣。
 

 

堅持美容師徒制

 

現今香港社會什麼都講求快捷、即時效果,連美容行業也一樣,追求速食。因此「做機Facial」大行其道,成為主流。也因為這個風氣,很多美容院對美容師的要求也越來越低。她們有的甚至不需要美容經驗,入職時提供短時間培訓,懂得「做機」和銷售就能幫客人做Facial。

 

「Beauty Solution 美之源蜜糖線面專門店」多年來堅持用師徒制度培養美容師,每一位學徒都必須經過1年左右的學習,技術成熟後才能自己接觸客戶。現時,Stephanie自己的美容師學徒都已經有6年或以上的美容經驗。「無可否認,一啲皮膚問題用美容儀器出來的效果會係更好,所以我哋都會幫客人做機。但我哋十分注重美容師的培訓,每位學徒都必須有扎實的美容基礎同經驗,佢一定要好熟悉每一部機嘅操作同原理,我哋先會比佢幫客人做Facial。」

 

雖然說「做機Facial」效果比較顯著,很多人會選擇。但Beauty Solution 還是最注重培養人手技術和中醫藥學美容知識。Stephanie 相信:「美容就係保養,人手美容係用自然、健康嘅方式來保養皮膚。呢個係好多熟客一直跟隨我哋嘅原因。每次改善到客人嘅皮膚,佢哋會好開心,而且會同我講多謝,真係比左我好大滿足感!」

 

 

未來展望

 

「我哋蜜糖線面呢種手工技術唔多人識做,而且好多人都怕辛苦唔願入行去學。其實蜜糖線面真係一種好有效嘅天然美容方式,值得比更多人認識,幫到更多人。我希望呢種技術可以一直流傳落去。」

 

 

 

 中藥蜜糖線面

 

 

後記

 

Stephanie 是個單純快樂的人,臉上總是掛著太陽般的笑臉。無論外面風吹雨打,每次見面都容易被她的笑容感染,心情變好。

 

Share on Facebook
Share on Twitter
Please reload

Featured Posts

I'm busy working on my blog posts. Watch this space!

Please reload

Recent Posts

October 20, 2017

Please reload

Archive
Please reload

Search By Tags

I'm busy working on my blog posts. Watch this space!

Please reload

Follow Us
  • Facebook Basic Square
  • Twitter Basic Square
  • Google+ Basic Square